УИХ-ын түвшинд шийдвэр гаргахад эмэгтэйчүүдийн оролцоо хамгийн чухал байдаг. Тийм ч учраас бид өнгөрсөн сонгуулиар төрд төлөөлөх 13 эмэгтэй гишүүнд итгэл хүлээлгэсэн. Харамсалтай нь манай эмэгтэй гишүүд хийсэн ажлаараа бус биеэ авч явах соёл, ёс зүй, бусад йлдлээрээ олны шүүмжлэлийг хүртэх нь олонтаа боллоо.
Өнгөрсөн намар гэхэд л БНСУ-ын парламентын гишүүн Ким Ён Жүний урилгаар эмэгтэй гишүүдийн төлөөлөл тус улсад айлчлахдаа албан ёсны арга хэмжээнд оролцохдоо зохисгүй хувцасласан нь олны шүүмжлэлийг ихээхэн дагуулсан билээ. Наймаа хийдэг хар захын авгайчууд ч албан ёсны арга хэмжээнд ингэж хувцастайгаар оролцохгүй хэмээн ард түмэн нэлээд ширүүн шүүмжилсэн. Эмэгтэй гишүүдийн соёлгүй, биеэ авч явах чадваргүй үйлдэл үүгээр зогссонгүй. Саяханы нэг өдөр УИХ-ын гишүүн Б.Ундармаа чуулганы танхимд "согтуу" суусан байж болзошгүй бичлэг цахим ертөнцөд цацагдсан. Тэрээр 2017 оны нэгдүгээр сарын 12-ны өдрийн УИХ-ын чуулганы хуралдааны дундуур орж ирэхдээ суудлаа "арай хийн" олж харагдсан. Будилж, будилж суудлаа олсон тэрээр Хөдөлмөрийн тухай хуульд нэмэлт, өөрчлөлт оруулах тухай хуулийн төслөөр үг хэлж байсан Н.Амарзаяа гишүүний юу ярьж байгааг ч ойлгосон шинжгүй байв. Энэ удаагийн парламентад багтсан олон бизнесмэн гишүүдийн Б.Ундармаа хатагтайд улс орны асуудал чухал биш гэдгийг энэхүү бичлэг нотолж өглөө.
Энэ бичлэг дуулиан тарьж дуусаагүй байхад УИХ-ын гишүүн М.Оюунчимэгийн байнгын хорооны хуралдаан дээр тухтай нь аргагүй цайлж байгаа бичлэг олон нийтэд тархлаа. Ард түмний эрх ашгийг төлөөлөн их хуралд суугаа тэрбээр хэлэлцэж буй асуудалд бус идэх юманд хамаг анхаарлаа төвлөрүүлсэн бичлэг одоо ч шуугиан тарьж байна. Мэргэжилт нэгт дүү нь түүний идэж, ууж буй бичлэгийг анх олон нийтэд цацсанд бухимдсан гишүүн М.Оюунчимэг "Миний дүү хүн чанартай байгаарай. Мэргэжилт нэгт хүмүүс байж. Би өнөөдөр өдрийн хоолоо ч идэж амжихгүй ажилласан юмсан” хэмээн тайлбар хийсэн байгаа харагдав. Хийсэн бүтээснээрээ бус идсэн уусан, архидлалтаараа шүүмжлүүлж байгаа дэндүү харамсалтай.
Эмэгтэй гишүүд ёс зүй, зөв үйлдлээрээ бусдыгаа манлайлах ёстой. Гэтэл манай эмэгтэй гишүүдийн байж байгаа царайг...
