Монгол Улсын Засгийн газар Олон Улсын валютын сан /ОУВС/-гийн хэлэлцээр үргэлжилж байгаа. ОУВС-ийн шинжээчид ирэх долоо хоногт ирэхээр болжээ. ОУВС-ийн “Станд бай” хөтөлбөрт хамрагдах хүсэлтээ өнгөрсөн есдүгээр сард гаргасан бөгөөд аравдугаар сард шинжээчид ирж нөхцөл байдалтай танилцсан юм. Талуудын энэ удаагийн уулзалтаар шинжээчдийн багтай ОУВС-ийн ямар хөтөлбөрт хамрагдах, ямар чиглэлээр өөрчлөлт, шинэчлэлт хийх зөвлөмж авахаар төлөвлөжээ.
ОУВС нь “Standby credit facility”, “Standby arrangement” гээд хоёр төрлийн хөтөлбөр хэрэгжүүлдэг. “Standby credit facility” хөтөлбөр нь бага орлоготой улсуудад олгох нэн хямдралтай зээл, харин “standby arrangement” нь бага, дунд орлоготой улсуудад олгох стандарт, жирийн зээлийн хөтөлбөр юм.
