Нэгж биткойны үнэ 1186 ам. долларт хүрч, өмнө нь хүрч байгаагүй өндөр үнэтэй боллоо. Биткойн оргил үедээ буюу 2013 оны арван нэгдүгээр сард 1165 ам. доллартой тэнцэж байсан юм.
Одоогоос хоёр жилийн өмнө Биткойны үнэ 250 ам. доллартой тэнцэж байх үед зарим хүмүүс дахин хэзээ ч 1000 ам. долларт хүрнэ гэж төсөөлөөгүй юм. Харин өнгөрсөн хугацаанд ялангуяа 2016 онд Биткойны үнэ тогтвортой өссөөр байв. Яг жилийн өмнө нэгж биткойны үнэ 425 ам. доллар, зургаан сарын өмнө 584 ам. доллар, гурван сарын өмнө 736 ам. доллар, харин сарын өмнө 885 ам. доллартой тэнцэж байлаа. Одоогоор ингэж өссөн шалтгаан нь тодорхойгүй байна.
