Оросын алдарт дуучин Алла Пугачева нөхөр Максим Галкин хоёрын амьдралын үргэлж олны анхааралд байдаг билээ. Учир нь нөхөр болох Максим Галкин 1976 онд төрж байхад Алла Пугачева нэр алдарын оргилд гарч байсан сонирхолтой хосууд юм. Тэгвэл хоёр жилийн өмнө Оросын шоу бизнесд гарсан хамгийн дуулиантай мэдээ нь Оросын алдарт дуучин Алла Пугачева болон түүний нөхөр Максим Галкин нар ихэр хүүхэдтэй болсон явдал байлаа. Тухайн үед нөхөр Максим Галкин “Энэ Аллагийн санаачилга байсан. Хуримынхаа дараа бид энэ талаар ярилцсан л даа. Энэ яриа болох хүртэл түүнийг 11 жилийн өмнө өндгөн эсээ хөлдөөчихсөн гэдгийг би мэдээгүй байлаа. Харин хоёр жилийн өмнө бид гэрлэх үед энэ талаар олж мэдсэн юм. Тэгээд л Аллагийнхаа гайхалтай санааг дэмжсэн” хэмээн ярьж байсан юм. Тэдний ихрүүдийг өөр эмэгтэй буюу тээгч эх төрүүлсэн бөгөөд хүүдээ Гарри, охиндоо Лиза хэмээх нэр хайрлажээ.
Тэгвэл хосууд “Антенна Телесемь” сонинд дэлгэрэнгүй ярилцлага өгөхдөө ихэр хүүхдүүдийнхээ зургийг анх удаа нийтэлжээ. Галкин ярилцлагадаа “Бид жинхэнэ гайхалтай гэр бүл байж чаддаг. Аллаг оройтоход хүүхдүүд маань түүнийг хүлээн, ирэх хүртэл нь унтдаггүй, яг л над шиг. Тэд байнга л дуу аялж шулганацгаадаг. Ялангуяа хүүхэлдэйн киноны дууг их дуулдаг” хэмээн ярьсан байна.
