Apple компанийн алдарт iPhone гар утасны 7 дахь загвар худалдаанд гарахад хэдхэн сар үлдээд байна. Тиймээс хэрэглэгчид iPhone 7 ямар байх талаар мэдээллийг ихэд сонирхож байна. Учир нь Apple өнгөрсөн жил зөвхөн судалгаа шинжилгээнд $8 тэрбумыг зарцуулсан тул гайхалтай бүтээл гаргаж чадах нь тодорхой хэмээн ихээхэн хүлээлттэй байгаа юм. Одоогийн цацагдаад байгаа мэдээллээр iPhone 7 утасны гаднах загвар арай батлагдаагүй байна. Гурван төрлийн загвараар сонголтоо хийх гэнэ. Дээрх гурван дизайны санаан дотор одоогийн 6s-ийн хэлбэрийг хадгалж үлдэх хувилбар байгаагаас гадна өөр цоо шинэ, маш нимгэн загварын хувилбар байгаа гэнэ. Түүнчлэн iPhone 7-той цуг цоо шинэ утасгүй Beats чихэвч зарлагдаж магадгүйг эх сурвалжууд мэдээлж байна. Энэ нь Bluetooth технологитой, утаснаас чихэвч хүртэл, бас зүүн болон баруун чихэвчний хооронд утасгүй буюу ямар ч утас оролцоогүй бүтээгдэхүүн байх гэнэ.
iPhone 7 ямар байх вэ?
2016-01-10 00:30:00
