“Мөрөөдлийн театр”-ын уран бүтээлчдийн цоо шинэ уран бүтээл болох “Сошиал эвлүүлэг” шоу тоглолт өнгөрсөн хагас сайн өдөр нээлтээ хийлээ. Танхим дүүрэн үзэгч, халуун алга ташилтан дор “Мөрөөдлийн театр”-ын уран бүтээлчид цоо шинэ тэсрэлт хийсэн бүтээлээрээ үзэгч олонтойгоо уулзлаа. “Мөрөөдлийн театр”-ынхан гэнэтийн бэлгээр дүүрэн “Сошиал эвлүүлэг”-үүдээ үзэгч олондоо өргөн барьсан бол үзэгчдийн хувьд дараагийн номер юу байх бол гэсэн хүлээлт үүсгэсэн тоглолт байлаа.
“Сошиал эвлүүлэг” шоу тоглолтын бас нэг гэнэтийн бэлэг нь урилгаар Дуучин А.Түмэн-Өлзий, олон нийтэд “булдруу” нэрээрээ танил болсон бяцхан хүү А.Өсөх-Ирээдүйн нар ирж ая дуугаа өргөлөө. Бяцхан дуучин А.Өсөх-Ирээдүй тус тоглолтонд оролцохоор алс хол Увс аймгаас урилгаар хүрэлцэн ирж ая дуугаа өргөлөө. Мөн “Цэцэг” хамтлагийн дуучин Ч.Батболд урилгаар ирж үзэгчиддээ гэнэтийн бэлэг барилаа.
“Сошиал эвлүүлэг” шоу тоглолт дуу бүжиг инээд наргиан бэлэглэсэнээс гадна нэгийг бодогдуулж, хоёрыг тунгаах үзүүлбэрүүдтэй жинхэнэ шоу тоглолт болжээ. Хайртай гэр бүл, дотны найз нөхөдтэйгээ элгээ хөштөл инээхийг хүсвэл “Мөрөөдлийн театр”-ын цоо шинэ уран бүтээл болох “Сошиал эвлүүлэг” шоу тоглолтыг үзээрэй.
Тоглолт 9-р сарын 30-наас эхлэн үдэш бүр 19 цагаас СТӨ-ний тайзнаа тоглогдож байна.
.jpg?1506916861391)
.jpg?1506916891256)
.jpg?1506916964279)
.jpg?1506916982311)
.jpg?1506917000566)
