8o
Улаанбаатар хот
mobile menu

Үйлийн үрээс зугтаж чадах уу?

2017-10-29 13:14:00

Бидний хэлсэн үг, үйл хөдлөл бүхэн үйлийн үр тарьдаг гэж монголчууд ярьдаг. Энэ насанд хийсэн үйлийн үр ирээдүйн залгамж халаа болсон үр хойчид нөлөөлнө гэх үнэн худал нь үл мэдэгдэх домог хууч хүртэл байх нь бий. Энэ нь юу гэсэн үг болохыг зарим хүмүүс төдийлөн сайн мэдэхгүй ч байж болох юм. 

Үйлийн үр гэдэг нь Карма гэдэг санскрит үг бөгөөд Ньютоны “аливаа биед тодорхой хүчээр үйлчилхэд нөгөө бие ижил хүчээр эсрэг чиглэлд үйлчлэх” хуультай ижил утгатай. Энэхүү буцах хүч нь тухайн нөхцөл байдлаас шалтгаалан таагүй болсон байх магадлалтай юм байна. Үүнийг хүмүүс өөрчлөх боломж байдаггүй гэнэ. 

Хүн үйлийн үрээс зугтах боломжгүй, зөвхөн өөрийн үйлийн үрийг л эдлэх жамтай. Үйлийн үрийн хуульд үл итгэж, үл тоосноор түүнээс ангижрах боломжгүй байгалийн хууль юм. Үүнээс айж суухын оронд  сэрж гэгээрэхийн тулд хичээх нь илүү дөхөм  юм.  Тэгвэл дараах зөвлөмжүүдийг хэрэгжүүлснээр та амьдралаа бага ч болов өөрчлөлт хийх боломжтой. 


1. Агуу хууль
• Юу тарина түүнийгээ хураана. Үүнийг “шалтгаан ба үрийн хууль” гэх нь ч бий. 
• Энэ амьдралдаа чи юуг үйлдэнэ түүнийгээ хүртэнэ.
• Аз жаргал, амар амгалан байдал, хайр, үнэнч нөхөрлөлийг хүсвэл Аз жаргалтай байж, Амар тайван амьдарч, Бусдыг хайрлаж, Найз нөхөддөө үнэнч бай. 
2. Бүтээхүйн хууль
• Амьдрал бол аз дайралт биш, хичээл зүтгэлийн үр дүн. 
• Дотроо ч гаднаа ч бид ертөнц дэлхийн нэгээхэн эс ширхэг.
• Бидний гадаад байдал дотоод хөгжил дэвшил маань хаана явааг илтгэдэг. 
• Өөрөөрөө бай, амьдралдаа юуг хүсэж байна тэр бүхнээрээ өөрийгөө хүрээлүүл. 
3. Даруу төлвийн хууль 
• Бууж өгөхийг хүсэхгүй байгаа зүйл чинь таныг үргэлж дагана. 
• Орчин тойрноосоо дайсанг л олж хараад, сөрөг бүхэнд төвлөрч, өөрийнхөө эргэн тойрноос заавал нэг муу дүр олохыг хичээж байгаа бол бид төрлөө дээшлүүлэх тухайд огтхон ч анхаарахгүй байгаа хэрэг. 
4. Өсөлт дэвшлийн хууль 
• Та хаашаа явна тийшээ л очино. 
• Бидний хөгжүүлэх, өөрчлөх ёстой зүйл бол бидний сэтгэл болохоос хэн нэг хүн, газар орон, эд юмс биш билээ. 
• Бидний амьдралд заяасан цор ганц зүйл бол БИД өөрсдөө. Тийм учраас бид өөрсдийгөө ялах учиртай. 
• Өөрийнхөө зүрх сэтгэл дотор, мөн чанартаа хэн болохоо өөрчилж чадвал амьдрал маань ч дагаад өөрчлөгддөг. 
5. Үүрэг хариуцлагын хууль 
• Амьдралд маань таагүй, болохгүй зүйл тохиолдох үед би өөрөө болохгүй, нэг л буруу хандлагатай болсон байдаг. 
• Бид хүрээлэн буй орчныхоо тусгал, энэ бол ертөнцийн үнэн. 
• Бид өөрт заяасан амьдралынхаа өмнө үүрэг хариуцлага хүлээх учиртай. 
6. Шүтэн барилдлагын хууль
• Хэдийгээр бидний хийсэн зарим үйл үр дүнгүй мэт харагдах авч, дэлхий дээр оршин буй юм бүхэн хоорондоо холбоотой гэдгийг мартаж болохгүй. 


• Алхам бүр дараачийн алхам руу хөтөлж, урагшилсаар байдаг. 
• Ямар нэг ажлын ард гарахын тулд хэн нэгэн эхний алхмыг хийх хэрэгтэй. 
• Эхний алхам ч бай сүүлийн алхам ч бай үүргийг гүйцэтгэхэд хувь нэмрээ оруулсан л бол аль аль нь чухал. 
• Өнгөрсөн-Одоо-Ирээдүй бүгд холбоотой.
7. Төвлөрөлийн хууль 
• Хоёр зүйлийн тухай нэг мөчид бодох боломжгүй
• Хэрэв бидний анхаарал Гэгээрэлд төвлөрсөн бол наад захын уур бухимдал, шунал хорсол гэх мэт муу сэтгэлд зай байхгүй.
8. Бусадтай хуваалцах, найрсаг байх хууль 
• Үнэн байж болох тэр зүйлд та үнэхээр итгэдэг бол, хэзээ нэг өдөр тэр үнэнийг батлах шаардлага гарч магадгүй. 
• Ингэснээр бид үнэн гэж итгэдэг, түүнийгээ нотлохыг хичээдэг сургааль номоо амьдрал дээр турших боломж гарлаа гэсэн үг. 
9. Яг энд, яг одоод байх хууль 
• Юу болоод өнгөрсөнийг эргэн харж шинжлэх нь биднийг яг одоод, яг эндээ байхад саад болдог. 
• Хуучин бодлууд, хуучин замнал, зан ааш, хуучин мөрөөдөл...эдгээр нь биднийг шинэ бүхэнтэй учрахад садаа болдог. 
10. Өөрчлөлтийн хууль 
• Бид явж ирсэн замаа өөрчлөх цаг нь болчихоод байхад өөрчлөхгүй байснаар гашуун туршлага давтагдахад хүргэдэг. 
11. Тэвчээр болон урамшууллын хууль
• Бүх шагнал эхлээд төлөөс шаарддаг. 
• Үргэлжид үнэ цэнэтэй байх шагнал тэвчээр болон үргэлжийн хичээл зүтгэлийг шаарддаг.
• Бид хийх ёстой зүйлээ хийж, цаг нь ирэхэд түүнийхээ үр шимийг хүртэхэд жинхэнэ баяр жаргалыг мэдэрдэг. 
12. Ач холбогдол, урам зоригийн хууль 
• Юу үйлдсэн ч түүний үрийг заавал эдэлнэ. 
• Аливаа зүйлийн жинхэнэ үнэ цэнэ нь хийсэн үйлийн эрчим хүч, зорилгын шууд үр дүн юм. 
• Хувь хүн бүрийн хичээл зүтгэл бүх нийтийн хичээл зүтгэлийн нэг хэсэг. 
• Сайн зорилгогүй үйл хэргүүд бүх нийтэд тус болохгүй харин ч хор хөнөөл учруулдаг. 
• Энэрэл хайраар жигүүрлэсэн хичээл зүтгэл амьдралыг гэгээлэг болгож, бүх нийтийг сэхээрүүдэг.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
Заря
тантай санал нэг байна
2019/10/11 43.228.131.90
Yostoi muuhai hyn bol Elbegdorj men!!!
Yiliin yrees Henbygaich yl zygtana?Hiisen yileeree sinj ni todrono!yagaad?Ta mah zysand trsen l bol?....Elbegee zailsgyi yyniig dairch zoblongiin hyndreltei tylj l taaraa?....
2017/10/30 148.60.92.223
оймс гозойлгогч үйлийн үр
элбэгдорж үүнийг сайн унш. үйлийн үр чинь ирж байна.
2017/10/29 182.160.37.188
  • Recent
  • Most Read
  • Most Comment