Стивен Сигал бэлгийн дарамт үзүүлж байжээ

 Австрали гаралтай Америкийн жүжигчин Порша де Росси алдарт жүжигчин, продюсер Стивен Сигалыг буруушаасан байна. Кино дүрийн шалгаруулалтад оролцохоор Порша де Росси-г очиход С.Сигал “Ажил хэргээс гадуурх харилцаа уран бүтээл туурвихад ямар чухал гээч” гэж хэлээд, өмдний цахилгаанаа тайлж байсан хэмээн хэлсэн байна. С.Сигал бэлгийн дарамт үзүүлж, зүй бус ааш авир гаргаж байсан гэсэн мэдэгдлийг өөр хэд хэдэн эмэгтэй, тухайлбал жүжигчин Жулианна Маргулиес, загвар өмсөгч Женни Маккарти нар  өмнө нь энэ тухай хэлж байсан. Энэ талаар алдарт жүжигчин, продюсер Стивен Сигал ам нээгээгүй байна.