Нью-Йорк хотын Манхэттен дүүрэг дэх "Трамп цамхаг"-т гал гарчээ. Галын улмаас хоёр иргэн, нэг гал сөнөөгч бэртсэн байна. Орон нутгийн цагаар өглөөний 07:00 цагт барилгын халаалтын системд асуудал гарснаас гал авалцжээ. Нью-Йорк хотын гал түймрийн албанаас мэдээлснээр цамхгийн галын унтраахаар 80 гал сөнөөгч очсон байна, азаар хүний амь эрсдээгүй аж. Д.Трампын хүү Эрик твиттертээ “”Трамп цамхаг”-ийн дээвэр дээрх агааржуулалтын системд гал гарсан. Гайхалтай ажилласан чадварлаг гал сөнөөгчдөд баярлалаа” хэмээн жиргэжээ. Уг барилгад олон компанийн оффис байрладаг байна.
АНУ-ын ерөнхийлөгч Доналд Трамп Вашингтон дахь Цагаан ордон руу нүүж очихоосоо өмнө энд амьдарч байжээ.
