4o
Улаанбаатар хот
mobile menu

“Монгол гоо- 2018 ” үзэсгэлэнд саатаарай

2018-03-08 10:30:00

Олон улсын эмэгтэйчүүдийн эрхийг хамгаалах өдөрт зориулан Монголын Хүүхдийн Урлан Бүтээх төв, Нийгмийн Ардчилал Монголын эмэгтэйчүүдийн Холбоотой  хамтран ЕБДС- ийн ахлах ангийн эмэгтэй сурагчид, мэргэжлийн уран бүтээлчдийн  “МОНГОЛ ГОО” үзэсгэлэнг  2018 оны 03 дугаар сарын 07 ний өдөр  Монголын Хүүхдийн Урлан Бүтээх Төвийн “ОРД” арт галерейд зохион байгууллаа.   

Энэ үзэсгэлэнгээр Монгол түмний хэл бичиг, хувцас эдлэлийн соёл, хүний сэтгэлд орших төгөлдөр гоо ертөнцийг тодотгон харуулах, бүсгүй хүний, эх хүний дотоод гоо үзэсгэлэнг дүрслэх урлагийн олон төрлөөр илэрхийлснээр хүүхэд багачууд, залуучуудад эмэгтэй хүнийг хайрлах, хүндэтгэх, дээдлэх чанарыг төлөвшүүлэх зорилготой.

 “МОНГОЛ ГОО”  үзэсгэлэнд  багш нарын 27, ахлах ангийн эмэгтэй сурагчдын  20, мэргэжлийн уран бүтээлчдийн 43, нийт 90 бүтээл тавигдаж байна.

Үзэсгэлэнд “Бяцхан мисс” Олон Улсын Хүүхдийн байгууллагын авьяаслаг хүүхдүүд Монгол үндэсний хувцас загварын үзүүлбэр, урлагийн тоглолт сонирхууллаа. Үзэсгэлэнгийн үйл ажиллагаанд УИХ- ийн гишүүн, Нийгмийн Ардчилал Монголын Эмэгтэйчүүдийн Холбооны Ерөнхийлөгч, Боловсрол Соёл Шинжлэх Ухаан, Спортын сайд Ц.Цогзолмаа, Монголын Хүүхдийн Урлан Бүтээх Төвийн захирал Д.Уранбилэг, Улсын их хурлын эмэгтэй гишүүд, Нийгмийн Ардчилал Монголын эмэгтэйчүүдийн холбооны Удирдах Зөвлөлийн гишүүд, Бяцхан мисс Олон улсын хүүхдийн байгууллагын тэргүүн Э.Оюунтунгалаг нар хүндэт зочдоор  оролцлоо.

Үзэсгэлэн 2018 оны 03 дугаар сарын 07-20 ны өдрүүдэд Монголын Хүүхдийн Урлан Бүтээх Төвийн “ОРД” арт галерейд гарах тул та бүхэн хүрэлцэн ирж Монгол түмний гоо ертөнцөөр тухлан саатаарай.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
  • Recent
  • Most Read
  • Most Comment
Санал асуулга
Иргэдээс “дугаарын хязгаарлалтыг тэгш, сондгойгоор явуулж өгөөч” гэсэн хүсэлт ирж байгаа аж. Та үүнийг дэмжиж байна уу?

Нийт санал өгсөн: 133