20o
Улаанбаатар хот
mobile menu

У.Хүрэлсүх: Эдийн засгийн хямралаас гаргах хөтөлбөрүүдээ амжилттай хэрэгжүүлье

2018-05-21 10:22:00

Төрийн ордонд өнөө өглөө 09.00 цагт “Монголын эдийн засгийн форум 2018” чуулган “Хүчээ нэгтгэе” уриан дор эхэллээ.  Эдийн засгийн чуулга уулзалтыг Монгол Улсад зохион байгуулах нь Монгол Улсын хувьд, гадаад дотоодын бизнес эрхлэгчддэд чухал ач холбогдолтой үйл ажиллагаа болж  байна. 

Хөгжлийн асуудлаар бодлого боловсруулагчид, бизнес эрхлэгч нар, эрдэмтэн судлаачдын дунд хэлэлцүүлэг зохион байгуулж, бодлогын зөвлөмж гаргаж байгаагаар онцлогтой аж. Чуулга уулзалтад Засгийн газар, УИХ, Ерөнхийлөгчийн тамгын газрын төлөөлөл, аймаг, нийслэлийн Засаг дарга нар, бизнесийн төлөөлөл, эрдэмтэн судлаачид, иргэний нийгэм, хэвлэл мэдээллийнхэн оролцож байна. Чуулган өнөөдөр, маргааш хоёр өдөр үргэлжлэх юм байна. 

Монгол Улсын Ерөнхий сайд У.Хүрэлсүх чуулганыг нээж үг хэлсэн бөгөөд тэрбээр “Эдийн засгийн эгзэгтэй хүндрэлтэй цаг дор эдийн засгийн форумыг зохион байгуулж байна. Гэхдээ эдийн засаг сайхан зуны цагтай золгож байна. Манай эдийн засаг бодлогын тогтворгүй байдалтай явсаар өдий хүрсэн. Тиймээс цаашид бодлогоо хэрхэн зөв авч явах талаар тодорхой шийдвэрүүдийг хэлэлцүүлнэ. Нийт дотоод бүтээгдэхүүний 80 хувийг хувийн хэвшлийнхэн ар нуруундаа үүрч явна. Тиймээс эдийн засгийн хямралаас гаргах хөтөлбөрүүдээ амжилттай хэрэгжүүлье. Макро эдийн засгийн эрсдэлийг бууруулахад онцгой анхаарна. Татварын зардлыг бууруулахад хамтдаа хүчээ нэгтгэе” гэлээ. 

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
иргэн
Худлаа ярьж хуралдахаас цаашгүй. Ард түмний амьдралд мэдрэгдэхээр юм юу ч хийсэнгүй .
2018/05/30 119.40.102.141
  • Recent
  • Most Read
  • Most Comment