7o
Улаанбаатар хот
mobile menu

Эрдэнэсийн сан дахь дурсгалын зоосны тухай дэлгэрэнгүй мэдээлэл бүхий цахим хуудас нээгджээ

2018-10-10 10:38:00

Монголбанкинд худалдаалагдаж буй дурсгалын зоосны тухай дэлгэрэнгүй мэдээлэл бүхий coin.mongolbank.mn  цахим хуудас нээгдэж, олон нийт шууд мэдээлэл авах боломжтой боллоо.

Энэхүү цахим хуудаст худалдаанд гаргаж буй дурсгалын зоосны тухай мэдээллээс гадна Монголбанкны зөвшөөрөлтэйгээр Олон Улсын зах зээлд худалдаалагдаж буй сэдэвчилсэн цуврал зоосны тухай мөн холбогдох түүх, танин мэдэхүйн мэдээллийг агуулжээ. Түүнчлэн дурсгалын зоос худалдаж авах зааварчилгааг оруулсан байна. 

Монголбанк нь Монгол Улсын Эрдэнэсийн сангийн тухай хуульд заасан эрх, үүргийн дагуу дурсгалын зоос захиалан үйлдвэрлүүлдэг бөгөөд анхны дурсгалын зоос 1971 онд Ардын хувьсгалын 50 жилийн ойд зориулсан 1 төгрөгний нэрлэсэн үнэтэй алтан, мөнгөн, никел, гуулин зоос байв. Түүнээс хойш түүхэн тэмдэглэлт ой, ховордсон ан амьтад болон бусад онцлох сэдвийн хүрээнд цуврал зоос гаргажээ.

Тун удахгүй “Монгол Улсын олимпын медальт тамирчид” цувралын үргэлжлэл болгож 1968 оны Мехикогийн Зуны XIX олимпиос мөнгө, хүрэл медаль хүртсэн Ж.Мөнхбат, Д.Сэрээтэр, Ч.Дамдиншарав, Т.Артаг нарын түүхэн амжилтын 50 жилийн ойд зориулсан дурсгалын зоосыг худалдаанд гаргахад бэлэн болоод байна.

Тус цувралын анхны зоос 2008 оны Бээжингийн олимпийн алт, мөнгөн медальт Н.Түвшинбаяр, Э.Бадар-Ууган, П. Сэрдамба, О.Гүндэгмаа, Д.Баатаржав нарын хөрөгтэй мөнгөн зоосыг 1кг, 1 унцаар тус тус 2 төрлөөр захиалан үйлдвэрлүүлсэн юм.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
  • Recent
  • Most Read
  • Most Comment
Санал асуулга
Сурагчдыг ханиад томуунаас урьдчилан сэргийлэхийн тулд 12-р сарын 15-наас 2-р сарын 15 хүртэл амраах нь зөв үү.

Нийт санал өгсөн: 55