Олны танил дуучин Нара маань саяхан л УИХ-д нэр дэвшиж өрсөлдөгчийнхөө саналыг эн тэнцүүхэн хувааж олныг гайхшруулж байсан эмэгтэй. Тэр өнөөдөр их олон салбарт хүч түрэн орж ирж байгаа залуу бизнесмэн хатагтай болж байгааг олон хүн харж байгаа байх. Саяхан л ресторан нээж араас нь хөдөө аж ахуйн салбарт орсон бүсгүй маань кино урлагийн ертөнц рүү хүч түрэн орж ирлээ. 2018 оны 11 дүгээр сарын 2-нд Тэнгис кино театрт миний л мэдэхийн түүхэнд байгаагүй нээлтийг Дуучин Нарагийн продюсерээр ажилласан “Том 6 толгой” хүүхдийн адал явдалт инээдмийн уран сайхны кино хийж танхим дүүрэн үзэгчтэй байлаа. Кино театрын сандалууд нь дуусч бүр нэмэлт сандалууд тавьснаар киноны нээлт эхэлсэн юм. Киноны нээлт дээр олны танил урлаг соёл, улс төрийн гээд бүхий л салбарын төлөөлөлүүд өөрсдийн бяцхан хүүхэд болон гэр бүлийн хамтаар хүрэлцэн ирж байгаа нь харагдсан . Нээлт ч сүр дуулиантай болж киног үзсэн үзэгчид танхим дүүрэн алга ташилт, халуун дулаан уур амьсгал дунд кино өндөрлөлөө .
Нээлтээс хойш багагүй хоног өнгөрч кино театруудын танхим үзэгчээр тасрахгүй тэр бүү хэл оройн цагаар үзэхийг хүссэн үзэгчид ч их байгаа сурагтай.
Харин саяхан Нара өөрийн 200.000 мянган дагагчтай фэйсбүүк хуудсан дээрээ хандан хүүгийнхээ аавд ийн бичжээ.
Аав хүн үр хүүхдэдээ ямар их орон зай эзэлж , тэдний зүрх сэтгэлийг дүүргэж байдагийг мэдэх үү.
Миний хүү аавтайгаа уулзсан ганц тэр өдрөөс хойш өдөр бүр миний аав гэж хэлэх бүртээ нүднээс нь баяр итгэл хайр цацарч байдагийг мэдэрдэг. Ганц бие ээжүүд холдоод явсан аавууд чадна болгоно зүтгэнэ хүрнэ гэж бодоод явдаг ч гэсэн аав хүний орон зайг юугаар ч нөхөшгүй юм билээ.
Бяцхан боловч агуу том хүүхдийн ертөнцөд аав хүний орон зай ямар чухал байдаг тухай эндээс уншаад та бүхэн ойлгохгүй ээ. Тиймээс л аавуудаа та бүхэн үр хүүхдэдээ ямар агуу зүйл болохоо "Том 6 толгой" киноноос маань үзээрэй. Ил үл үзэгдэх ч асар том ертөнцийн талаар өчүүхэн ч атугай зүйлийг киногоороо харуулахыг хичээсэн гэж бичжээ.