Өнгөрсөн зун кино театруудын дэлгэцнээ нээлтээ хийж 2 сар гаруй хугацаанд үзэгчдийг байлдан дагуулсан “ЭРЭГТЭЙ ОХИН” гэх өвөрмөц нэртэй уран сайхны кино IP TV-ын видео санд нэмэгджээ. Өнөөгийн нийгмийн тэгш бус харилцаа, хүмүүсийн нийгмийн сэтгэл зүйг Солонго гэх охины амьдралаар харуулсан тус уран сайхны кино нь элдэв чимэггүй, энгийн, даруу хийцтэй ч бодит асуудлуудыг хөндөж уран сайхны аргаар харуулж чадсан нь үзэгчдээс өндөр үнэлгээ авсан бүтээл болсон юм.
