7o
Улаанбаатар хот
mobile menu

Ч.Бадрал дэлхийн дуурийн дуучдын “Кардифф-2019″ наадмын шилдэг дуучдын нэг болжээ

2019-01-03 15:29:26

Цэргийн дуу бүжгийн чуулгын гоцлол дуучин Ч.Бадрал дэлхийн дуурийн дуучдын “Кардифф-2019″ уралдааны шигшээд үлджээ. Тэрбээр “дуу романс” болон “дуурийн ари” төрөлд 400 гаруй дуучдаас шилэгдэж үлдсэн нь энэ юм байна. Английн Лондон хотноо саяхан болж өнгөрсөн энэхүү тэмцээнд шилдэг 19 дуучин шигшээд тунаж үлджээ. Тэд ирэх зургадугаар сарын 17-22-нд Уэлсийн Кардифф хотноо хэн нь дэлхийн дуучин болохоо харуулж, хоолойн чадлаа сорих юм.

Хоёр жил тутамд зохиогддог “BBC Cardiff Singer of the World” буюу "Дэлхийн дуурийн дуучин Кардифф” уралдаанд өмнө нь Монгол Улсын гавьяат жүжигчин Э.Амартүвшин 2015 онд оролцож, сопрано хоолойт агуу дуучин Сазерлендын нэрэмжит тусгай шагналын эзэн, Монгол Улсын гавьяат жүжигчин Г.Ариунбаатар 2017 онд оролцож шилдэг таван дуучны нэгээр шалгарч, дууны төрөлд тэргүүн байр эзэлж байсан юм. Тус уралдааны тэргүүн байрын шагнал 20 мянган паунд стерлинг буюу 67 сая төгрөг аж.

Дашрамд дурдахад, дуурийн дуучин Ч.Бадрал нь өнгөрсөн 2018 оны долдугаар сард Италийн алдарт CHIGIANA академиас зохион байгуулдаг “CHIGIANA international competition 2018” дуурийн дуулаачдын тэмцээний тэргүүн байрыг авч, “Golden Star-2018”  шагналын эзэн болсон юм. Нийт зургаан сар үргэлжилсэн уг тэмцээн дэлхийн олон оронд зэрэг явагдаж, 1870 дуучин өрсөлдсөн байдаг. Тэрбээр нэрт хөгжмийн зохиолч Римский-Корсаковын нэрэмжит олон улсын уралдаанд эрэгтэй дуучдын төрөлд тэргүүн байр эзэлсэн амжилттай яваа дуучин юм.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
byryy bicheed baij bolohgyi ee!!!!
caprono hooloit agyy dyychin joan Sutherlandiin (1926-2010)Delhiin domogt dyychin Abstraliin gebel zygeer bna syy!!!
2019/01/08 148.60.92.227
зочин
МИНИЙ МОНГОЛЫН САЙХАН ДУУЧИН ДЭЛХИЙД ГАЙХАГДАЖ БАЙГААД СЭТГЭЛ ХӨДӨЛЖ ОМОГШИЖ БАЙНА ЗАЛУУ ДУУЧИНДАА ДЭЛХИЙН ДУУЧИН БОЛООРОЙ ГЭЖ ХҮСЬЕ МАНАЙ МОНОЛЧУУД ИЙМ Л АВЬЧАС, IQ ӨНДӨРТЭЙ ХИЙМОРЛОГ АРД ТҮМЭН ШҮҮ
2019/01/06 43.228.130.66
МОНГОЛ
АМЖИЛТ ХҮСЬЕ, БАХАРХМААР САЙХАН БАЙНА ШҮҮ
2019/01/04 202.21.127.173
  • Recent
  • Most Read
  • Most Comment
Санал асуулга
Гэмт хэргээс урьдчилан сэргийлэх оновчтой аргыг та юу гэж боддог вэ?

Нийт санал өгсөн: 357