24o
Улаанбаатар хот
mobile menu

Д.Урианхай: Анд Б.Лхагвасүрэнд Сүүлчийн хундага

2019-02-20 09:13:01

СҮҮЛЧИЙН ХУНДАГА...Улаан ямаат Дамдинсүрэнгийн Урианхай

Анд Б.Лхагвасүрэнд
(реквием)



Гэрийн тоонон дээгүүр 
Гэрэлтэн нумарсан зуун өнгийн солонгоноос
Гэнэтхэн, ногоон өнгө нь ганцаар тасраад
Архины лонхонд нуугдаад үлдчихсэн шиг харагдах
Ариун идээний дээжээс нэгэн хундагыг
Нулимсаа залгин байж балгалаа!.. 
Сүүлчийн хундага!
Сүн далайн давалгаанаас 
Ам жишилж байгаа шиг 
Хороож барагдахгүй,-
Сүүлчийн хундага!
Хонгор залуугаасаа сэтгэл сэтгэлээ түшилцэн өндөрлөсөн
Хосгүй билигт найрагч Бавуугийн Лхагвасүрэн
Аргын 2019 он, билгийн шороон гахай жил, шинийн нэгэнд
Амьсгаа татахынхаа өмнө өөрөө балгахаар задлуулж,
Андын ёс сахин надад зориулж үлдээсэн 
Амсараа халин мэлтгэнэх,-
Сүүлчийн хундага!..

II 

Гал залгисан мэт түлэх
Сүүлчийн хундага!
Газраа үүрсэн мэт ядраах
Сүүлчийн хундага!
Уухад ч гачлантай гашуун,
Болиход ч гачлантай гашуун,
Ард, түвд Бавуу аавын зоргоор хүү Лхагвасүрэн
Амьсгаа отголохынхоо янар хундагалуулж
“Цугтаа ууж байна!” гэж “бясалгасан”,-
Цус шиг нь буцламгай,
Цөс шиг нь омогшимтгой,
Сүүлчийн хундага!

III

Бөмбөрөн өнхрөх нулимс
Бутанд зувах бүжин шиг
Арьс руу шурган нуугдав ч
Хацар шир – шир зүсэх нь ч,
Атаатны сум хавахаас дор өвтгөх нь ч,
Хашгирч босоод буурал толгойгоороо
Хана руу түс – няс мөргөм тамлах нь ч 
Юутай хорлонтой!
Боржигоны бор талд 
Босоо төрж,
Бодлын цагаан арслан болж үсрэн
Монголоо доргион хүрхэрсэн,
“Агуу” хэмээхэд дэндүү наанадах,
Алдарын титэмүүд нь ч дэндүү цөөдөх,
Хүсэхүйн чинад эрэмгий шүлгүүдээ
Хүний гараар бус Бурхадын мутраар ургуулсан
Үгэнд багтахгүй андаас хагацахад
Үлэмжийн баян Дэлхий
Юутай хоосон!..

IV

Зэлний хоёр унага шиг налалцаж,
Зэрэгцээ хоёр хайрхан шг ханхайж,
Тэрэгний буулга шиг эртний, 
Тэнгэрийн хэл шиг энгийн, нууцлаг,
Амгалангийн орон – Монголын найрагт
Амьдралаа хуу зарлаа, чи бидэн!
Далай нь хүртэл давсаар дутдаг дэлхийдээ ч,
Даваа нь хүртэл чамд навтайж өгдөг Монголдоо ч
Даанч цөөхөн ургадаг
Даамай гүн найргийн 
Галбараасан байлаа, чи минь!..
Ард зоноо цугааранг нь уйлуулж одох
Алдар, гавьяа чинь, миний найзаа,
Мөнх бус орчлонд мөнх ч 
Мөддөө лав дүүрэхгүй зай үлдээсэн чинь
Он жил элэх тусам 
Од, мичид шиг тодрох нь 
Олон давтагдахгүй түүх биз ээ!..

V

Очих газар чинь ойрхон, - Тэнгэр ч,
Орох үүд чинь дэлгээтэй, - Диваажин ч,
Битгий тэнд их удаарай,
Бэтгэртлээ санаж хүлээх Монголдоо,
Билүү чулуу нь зөөлхөн “Өнжүүл”-дээ,
Хурдан буцаад ирээрэй,
Хурмастад даатгаж, уйлж гуйяа, найз нь!..

2019.02.12-15

Алтан тэвшийн хөндий

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
Zochin
Gunigtai ch uneheer aguu shuleg bna daa
2019/02/26 202.9.43.26
azaa
aguu sxn hvmvvs shvv dee,ta min urt naslaj udaan jargaarai
2019/02/25 103.57.92.201
Зочин ҮХЭЭЧ архичин өвгөд
АРХИЧИН ӨВГӨД НЭГ НЭГЭН САНГАЛЦАЖ БАЙХШИВ АРХИЧИН ДУРАКУУД
2019/02/25 150.129.142.111
Зочин
Үнэхээр монголын агуучууд
2019/02/23 66.181.181.176
зочин
төрнө гэхэд эргэлзээтэй цаг үе эрх биш монголын боржигоны босоо заяа дуусах ч болоогүй байлгүйдээ
2019/02/21 66.181.160.77
зочин
эгэлгүй нэгэн андадаа энэ өвгөн л ингэж хэлж чадна эргүү тэнэгүүдийн эх оронд эднээс сайхан нь одоохондоо
2019/02/21 66.181.160.77
Боржгоний бор тал
Сүүдрээн дараж унахдаа элгийг чинь цөмлөж орно Боржгоний бор тал минь
2019/02/21 103.10.23.74
0000
Урианхай эайрагч ёстой нэг хэлжээ өөр юм аа энэ өвгөн Өвгөдөө амьд дээр нь баярлууль буу атаарха атаач нараа
2019/02/21 103.10.23.74
Зочин
Үнэхээр сайхан агуа хүмүүс. Гэрийн 2 багана байж..
2019/02/20 66.181.182.20
zochin
ингэж хэлдэг яруу найраг
2019/02/20 203.91.115.253
Зочин
Солиотой
2019/02/20 73.231.128.120
ganaa.gaaya
gaihaltai'
2019/02/20 66.181.160.61
Erka
Ene tsag xugatsaa yaruu nairagchtaigaa burxanaas irsen geltei
2019/02/20 64.119.22.117
  • Recent
  • Most Read
  • Most Comment