Олон улсын эмэгтэйчүүдийн баярын өдрийг тохиолдуулан урлагийнхан өөрсдийн бэлэгийг барьсаар байгаа билээ. Тэгвэл тэдгээр уран бүтээлчидээс “Номин талст”-ын Т.Дэлгэрмөрөн дутсангүй. “Бид та нарыг баярлуулж одоо дөнгөлгүй дээ” хэмээн маргааш буюу гуравдугаар сарын 8-ны өдөр FACE клубт өөрийн шоу партийг зохион байгуулах гэж байна. Түүний шоунд сонгодог урлаг, язгуур урлаг, Circus Mongolia, ятгачин Мөнх-Эрдэнэ, Титэм хамтлагийн Тайванбатаас гадна Сүнс, Хар тас, Mr.doggs хамтлагийнхан оролцож баярын нэгэн үдшийг бут авахаар шийджээ. Дуучин маань энэ үдэш “Час хийсэн уран бүтээлчдийн ангайлгадаг үзүүлбэрүүдтэй хамт өөрийнхөө уйлуулдгуудтайгаа нийлүүлээд нэг сэгсэлзүүлээд өгье” л гэнэ шүү. Шоуны үеэр хамгийн сайхан даашинзтай бүсгүйг шалгаруулж, “уйлтал нь” сюрприз барих бөгөөд зөвхөн таксаа төлөөд л үзэх боломжтой тул эртнээс захиалгаа өгч, суудал ширээгээ захихыг дуучны зүгээс хүсчээ.
“Номин талст”-ын Т.Дэлгэрмөрөн бүсгүйчүүдээ баярлуулж дөнгөлгүй дээ
2016-03-07 17:07:00