18o
Улаанбаатар хот
mobile menu

Таван хувийн зээлд хамрагдах барилгууд хаана, хаана баригдсан бэ?

2016-03-15 09:54:00

Засгийн газрын ээлжит бус хуралдаанаар ипотекийн зээлийн хүүг таван хувь болгох шийдвэр гарсан. Гэхдээ энэ таван хувьд ипотекийн зээл авсан болон авах гэж буй иргэд нийтээр хамрагдахгүй. Засгаас баталсан Ипотекийн зээл, санхүүжилтийн ерөнхий журамд зааснаар Улаанбаатар хотын гэр хорооллын дахин төлөвлөлтийн бүс, алслагдсан дүүрэг, 21 аймгийн нутаг дэвсгэрт орон сууц худалдан авах ипотекийн зээлийн хүүг эхний ээлжид бууруулахаар тусгасан. Тухайлбал, нийслэлээс хэрэгжүүлж буй гэр хорооллын дахин төлөвлөлтийн хүрээнд баригдаж, ашиглалтад орсон 2000 гаруй өрхийн орон сууцад байр зээлээр авбал хүү нь таван хувь байх юм. Тэгвэл өнөөдрөөс энэхүү зээл олгогдож эхлэх гэж байна. Дахин төлөвлөлтийн хүрээнд баригдсан 2000 гаруй өрхийн орон сууцад газраа чөлөөлж, барилга бариулсан 500 орчим өрх одоогоор оржээ. Үлдсэн 1500 гаруй айлын байрыг барилгын компаниуд борлуулж, барилга барихад зарцуулсан хөрөнгөө эргүүлж олох юм. Харин орон нутгийн тухайд төрөөс барьж буй 1000 айлын орон сууцад байр зээлээр авах иргэний зээлийн хүүг таван хувь хүртэл буулгах зохицуулалт хийснийг Барилга, хот байгуулалтын яамнаас мэдээлсэн юм. 

Дахин төлөвлөлтийн хүрээнд 2014 онд Ханын материалын орчим СХД-т 168 айлын орон сууц, СБД-ийн долоодугаар хороолол 100 айл орчимд “Бэрэн” группийн барьж буй барилгын А, Б блок, 2015 онд Батлан хамгаалах их сургуулийн орчим, БЗД-ийн 8,16 дугаар хороонд “Баганат өргөө” компани, “Гангар инвест” компани тус бүр 168 айлын оройн сууцыг, 2016 онд БЗД-ийн 14 хороололд “Зургаан талт компани”150 айлын орон сууц зэргийг ашиглалтад оруулаад байгаа юм. Удахгүй 100 айл орчимд гэр хорооллын дахин төлөвлөлтийн бүсэд “Бэрэн групп”-ийн барьж буй 800 айлын, БЗД-ийн 8, 16 дугаар хороод баригдаж буй “Гангар инвест”-ийн орон сууцууд шинээр ашиглалтад орох юм байна. 

Ипотекийн зээлд хамрагдсан 77 мянга гаруй зээлдэгч байгаагаас 18 мянга орчим иргэн таван хувийн хүүтэй зээлд шилжих боломжтой аж. Тодруулбал, орон нутагт ипотекийн зээл авсан 17 мянга, гэр хорооллын дахин төлөвлөлт 434 айл Багахангай, Багануур, Налайх дүүрэгт  945 орон сууцыг ипотекийн зээлээр авсан байдаг аж. Эдгээр 18 мянга гаруй зээлдэгч найман хувиас таван хувьд шилжих боломжтой. Харин бусад зээлдэгч нарт ипотекийн зээлийг бууруулах энэ шийдвэр хамааралгүй юм байна.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
MAL 76
zugeer barilgiin business ni yawtsgui bolood ireheer compania dampuuruulahgui ni tul hiij bgaa arga hemjee bna arai yumaa neeree...
2016/03/15 103.17.108.42
MAL 76
zugeer barilgiin business ni yawtsgui bolood ireheer compania dampuuruulahgui ni tul hiij bgaa arga hemjee bna arai yumaa neeree...
2016/03/15 103.17.108.42
Chin
Buh zeeldegch l bolomjgui bolood zeeld hamragdsan bgaasht iim baij bolohgui
2016/03/15 103.17.108.42
tur
yalgavarlan gaduurhalt
2016/03/15 103.17.108.42
сараа
16 giin sruul tengeriin bair 5 %д шилжих юм уу,хороо нь орсон байж, орон сууц нь дурдагдахгүй юм
2016/03/15 103.17.108.42
  • Recent
  • Most Read
  • Most Comment