Энэ удаагийн УИХ-ын сонгуульд дуучин Нара Баянгол дүүрэгт бие дааж нэр дэвшинэ гэдгээ хэлээд буй. Гэвч тэрбээр багагүй эсэргүүцэлтэй тулгараад байгаа. Ямар сайндаа л “Манай урлагаас Гүндалайгаа авчихвал бид Нарагаа авъя” гэх үг гарах вэ дээ. Тэгвэл өнөөдөр дуучин Bеcky буюу Г.Мөнхбаяр УИХ-ын сонгуульд дэвшинэ гэдгээ өөрийн фэйсбүүкээр мэдэгдлээ. Тэрээр УИХ-ын 2016 оны сонгуульд Сүхбаатар дүүргийн тойрогт бие дааж нэр дэвшихээр болжээ. Уншигчид түүнийг дуучин гэхээсээ илүү загвар өмсөгч, топ модель Х.Бадамгэрэлийн нөхөр гэдгээр нь илүү мэдэх бизээ. Bеcky өчигдөр Нараг өмөөрч "Өнөөгийн нийгэмд хүн өөрийнхөөрөө байж, шударга зоригтой алхам хийнэ гэдэг ховор. Харин эмэгтэй хүн, ээж хүн гэхэд Нара маань иргэний зориг гаргаж өөрөөрөө дамжуулан бусад залууст итгэл, найдвар өгсөн шийдвэр гаргасанд нь хувь хүнийхээ хувьд болон найзын хувьд бүрэн дүүрэн дэмжиж байна. Залуус бидэнд төсөөллөөс ч илүү хүч чадал, зориг, оюун ухаан бий. Гагцхүү бид өөртөө итгэлтэй байх ёстой!" гэж байсан өнөөдөр "Ганбат овогтой Мөнхбаяр миний бие УИХ - н 2016 оны сонгуульд Сүхбаатар дүүргийн тойрогт бие даан нэр дэвшиж өрсөлдөх болсоноо найзууддаа албан ёсоор дуулгаж байна. Залуус бидний шинэ цаг эхэллээ. Бидний шинэ үе, шинэ давалгаа, түрлэг эхлүүлэх цаг хэдийнэ болсон. Мөн иргэний зориг гаргаж бусад залуучуудыгаа хүчтэй уриалсан Нара найздаа давхар амжилт хүсье! Залуусаа нэгдье!" гэсэн байна.
Нарагийн араас Топ Х.Бадамгэрэлийн нөхөр УИХ-ын хуралд нэр дэвшихээ мэдэгдлээ
2016-03-23 13:56:00
