"Номин талст" хамтлаг саяхан АНУ-д тоглолтоо хийгээд ирсэн. Тус аялан тоглолтод Т.Дэлгэрмөрөн яваагүй юм. Учир нь түүнд АНУ-ын Элчин сайдын яамнаас виз олгоогүй. Тиймээс л Хаянаа, Батсүх нар хоёулаа л АНУ-г зорьж, Дээгий Монголдоо үлдсэн байдаг. Хамтлагийн хоёр гишүүн аялан тоглолтоо хийгээд ирсэний дараагаар буюу өчигдөр орой дуучин Т.Дэлгэрмөрөн цахим хуудаснаа хамтлагаасаа гарах болсоноо дуулгалаа. Тэрбээр энэ талаар хэлэхдээ "Заа нэг тиймэрхүү мэдээг би албан ёсоор мэдэгдэе дээ.Би хоёр андынхаа араас захыг нь мушгиад үлдсэн эр л дээ бас аав. Гэхдээ би тэдний оронд байсан бол намайг мартаж болох ч өмөрч үлдсэн охинд минь чихэр авчирах ухаан байсангүйд нь унтарчихлаа. Намайг гэсэн тэдний сэтгэл уудам гэлээч надшиг байж чадаагүйнх нь төлөө энэ өдөр би тэднийгээ орхих шийдвэр гаргалаа. Номин талст хоёулаа боллоо. Би хангалттай тэдэндээ хит дуунуудыг нь зохиож өгсөн өргүй нэгэн.Хоёр найздаа амжилт" гэжээ.
Дуучин Т. Дэлгэрмөрөн "Номин талст"-ыг орхиж байгаагаа мэдэгдлээ
2016-03-27 11:07:00