Саяхан “Хөсөгтөн” хамтлагийнхан Саудын Арабад бие даасан тоглолтоо хийгээд ирсэн төдийгүй, сонин содон мэдээлэлээр дүүрэн иржээ. Тэд олон хөгжтэй явдалтай учирсанаа аяны богцоо задлахдаа хэлсэн байна. Тэд тус улсад суугаа танилдаа бэлэглэхээр архи авч явсан нь хил дээр хураагджээ. Лалын шашинтай оронд согтууруулах ундаа хэрэглэх, хилээр оруулахыг гэмт хэрэг хэмээн үздэг тул тийн саатуулагдаад авсан байна. Тус улсын дүрэмд төрийн байгууллагынх нь барилгын зургийг авах, Араб эмэгтэй рүү удаан харах, эмэгтэй хүн машин барих, эрэгтэй эмэгтэй хүн хамтдаа үйлчилгээний газар дугаарлан зогсох, хөгжим сурах, сонсох, хэн нэгний зургийг зөвшөөрөлгүй авахыг хориглодог байна.