Ухаалаг утас гэж андуурахаар бууг АНУ-д худалдаанд гаргахаар бэлдэж байгаа юм байна. Буу нь хоёр сумтай, халаасандаа авч явахад авсаархан байх гэнэ. Миннесота дах зэвсэг үйлдвэрлэгч компани ийм бууг энэ оны дундуур худалдаанд гаргахаар төлөвлөж байна. Тус компанийн албан ёсны вэб сайтад бичсэнээр “Ухаалаг утас гэж андуурахаар өвөрмөц хэлбэртэй бууны нэг товчлуур дарах төдийд онилоход бэлэн болох ажээ. “Хүн болгон ухаалаг утас хэрэглэдэг болсон энэ цаг үед ийм зэвсэг зах зээлд маш эрэлттэй байна” гэж зохион бүтээгч нь ярьжээ. Бууг цоожилсон үед яг л гар утас шиг ямар ч аюулгүй гэж зэвсэг үйлдвэрлэгч баталж байна. Хоёр амтай, 380 калибрын энэ зэвсгийг зах зээлд 395 ам.доллараар худалдаалах ажээ.
Ухаалаг утас шиг буу худалдаанд гарна
2016-03-29 13:52:00
