Шинжлэх ухааны Nature сэтгүүлд нийтлэгдсэнээр Израйлийн эрдэмтэд хүний үр хөврөлийг дуурайлган бүтээсэн загварыг танилцууллаа. Вейзманы шинжлэх ухааны хүрээлэнгийн эрдэмтэд эр бэлгийн эс болон өндгөн эсийн оролцоогүйгээр 14 хоногтой үр хөврөлийн загварыг ургуулсан байна. Уг загвар нь жинхэнэ үр хөврөлийн үндсэн бүтцийг хадгалж чаджээ. Эрдэмтэд уг загварыг ургуулахдаа үүдэл эсийг ашиглажээ. Тэр ч бүү хэл уг загвар нь даавар ялгаруулж байсан бөгөөд лабораторид жирэмсний тестээр шалгахад эерэг хариу гарчээ. Уг судалгааны ачаар бид амьрдалын эх үүсвэрийн эхний үе шатуудыг ойлгох боломжтой юм. Мөн зулбалт, ургийн гажгийн шалтгааныг илрүүлэхэд тустай ажээ. Вейзманы шинжлэх ухааны хүрээлэнгийн профессор Жэкоб Ханна уг судалгаа нь асар их мэдээллийг агуулсан хар хайрцагтай төстэй ба бидэнд судалж мэдээгүй хэтэрхий их зүйл байгааг сануулжээ. Үр хөврөлийн судалгааны эрх зүйн орчин, ёс суртахуун, техникийн талаас ихээхэн маргаан дагуулдаг ч ойрын жилүүдэд үр хөврөлийн хөгжлийн загварыг бүтээхэд эрдэмтэд ихээхэн анхаарч, энэ салбар хурдацтай хөгжиж байна.
