-4o
Улаанбаатар хот
mobile menu

Монголбанкны Ерөнхийлөгч Зүүн Өмнөд Азийн Төв банкны Ерөнхийлөгч нарын уулзалтад оролцож байна

2015-11-26 13:59:00

Монголбанкны Ерөнхийлөгч Н.Золжаргал Филипины Манила хотод Зүүн өмнөд Азийн Төв банкуудын Ерөнхийлөгч нарын 35 дахь хурлыг угтан зохион байгуулагдсан дээд түвшиний семинарын "Дэлхий дахины болон бүс нутгийн хүндрэлийг даван туулахын тулд олон улсын санхүүгийн тогтолцооны хэлбэрийг өөрчлөх үү" сэдвээр хэлэлцэж байгаа хэсгийг даргалж байна.

Энэ сэдвээр үндсэн илтгэлийг Малайзийн төв банкны Ерөнхийлөгч Зети Ахтар Азиз хэлэлцүүлсэн бол Мексикийн төв банкны Ерөнхийлөгч Августин Карстен, Олон улсын валютын сангийн орлогч дарга Мицухиро Фурусава хэлэлцүүлэгт оролцлоо. Азийн 24 төв банкны Ерөнхийлөгч, дэд ерөнхийлөгч нар, бүсийн нутгийн олон улсын байгууллагууд оролцсон энэ семинарт даяаршсан орчинд санхүүгийн хүндрэлийг шийдвэрлэх, хямралаас урьдчилан сэргийлэх, бодлогын уялдааг хангахад одоогийн тогтолцоо хүрэлцээ муутай, үр ашиг нь тодорхойгүй байгааг хэлж байлаа.  Мөн дэлхий дахиныг хамарсан сүүлийн хямралын үед хөгжилтэй орнуудын төв  банкуудын авсан арга хэмжээ өөрчлөгдөж санхүүгийн эх үүсвэрийн урсгал чиглэлээ өөрчилж байгаа нь хөгжиж буй орнуудын эдийн засагт хүндрэл учруулж байгааг хэлэлцэв.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
  • Recent
  • Most Read
  • Most Comment
Санал асуулга
Ерөнхий сайд У.Хүрэлсүхийн Засгийн газрыг огцруулах нь зөв үү

Нийт санал өгсөн: 51