Уншигч таныг шинэ эрч хүч, шинэ хүсэл мөрөөдөл, шинэ амьдралын зорилго, шинэ тэмүүллээр дүүрэн шинэ долоо хоногоо эхлүүлсэн гэдэг итгэлтэй байна. Тас хийсэн өвлийг час хийтэл мэдрүүлсэн энэ өдөр танд хүйтний эрч улам чангарахыг ЦУОШГ-аас мэдээллээ. Тиймээс уншигч та дулаан хувцаслаарай. Хэрэв ханиад хүрч, ажлын эрч хүч чинь сулраад байвал нимбэг буюу лимоныг шүүсийг буцалсан халуун усанд шахаж түүнийгээ бага зэрэг зөгийн балаар амтлан уувал гайхалтай сайн эм болно шүү. Мөн нийслэл хотын зам талбай халтиргаатай байгаа тул аюулгүй байдалаа хангаж, аялал зугаалгаар гарахаар төлөвлөсан бол хойшлуулаарай. Нийслэл Улаанбаатарт өнөөдөр үйл явдал өрнүүн өнгөрлөө. Тойм мэдээллийн "Монголын нэг өдөр" булангаараа өнөөдөр болсон үйл явдлыг товчхон хүргэе
Далай лам Монголд дөнгөж сая газардлаа
Дээрхийн гэгээнтэн Далай ламын хөлөглөсөн онгоц Буянт Ухаа дахь "Чингис хаан" олон улсын нисэх онгоцны буудалд дөнгөж сая буулаа. Түүнийг Гандантэгчинлэн хийдийн төлөөлөл угтан авлаа. Далай лам манай улсад 18-22-ны хооронд айлчлах бөгөөд бямба гаригийн 13.05-13.15 цагт Гандантэгчэнлин хийдийн Жанрайсиг дацангийн өмнө сүсэгтэн олонд хандаж, мэндчилгээ дэвшүүлнэ. Сүсэгтнүүдэд зориулсан номын айлдвараа ням гаригт 9.30-11.30 цагт "Улаанбаатар палас"-т айлдах юм.Түүнчлэн даваа гаригт 09.00-15.00 цаг хүртэл Соёлын төв өргөөнд "Шинжлэх ухаан ба бурханы сургаал” олон улсын хэлэлцүүлэгт оролцоно. Харин мягмар гаригт Далай багшид ХААИС-ийн хүндэт докторын цол хэргэм хүртээх аж. Дээрхийн гэгээнтний нас өндөр тул түүний биеийн байдлыг харгалзан үзэж хөтөлбөрт өөрчлөлт орох магадлалтай гэдгийг Гандантэгчинлэн хийдээс мэдээлсэн юм.
71-р сургууль сурагчид, багш, ажилчидтайгаа хөлдөж байна
Сүхбаатар дүүргийн 18 дугаар хороонд байрладаг Боловсрол Соёл Шинжлэх ухааны яамны харьяа лаборатори тэргүүний 71-р сургуулийн халаалт зогссон, сурагчид нь гадуур хувцастайгаа хичээллэж байна гэсэн мэдээллийн дагуу бид очиж сургалжилсан юм. Хотын төвөөс 20 гаруй киллометрийн зайд оршдог уг сургуулийн гадаа очиход эцэг, эхчүүд “Гадуур хувцсаа тайлж болохгүй шүү. Миний хүү ноосон цамцаа өмсөж суугаарай” гэж захиж байгаа нь дуулдав. Сургуулийн хаалгаар ороход гадуур хувцастай багш, сурагчид угтлаа. Тус сургууль нь 1300 гаруй хүүхэдтэй, 68 багш, 30 гаруй ажилчидтайгаар үйл ажиллагаагаа явуулдаг аж. Нийт 18 анги, танхимтай. Бага ангийн хүүхдүүд нь гурван ээлжээр хичээллэдэг гэдгийг жижүүр багш нь ярьсан юм. Сургуулийн халаалт хэзээнээс зогссон талаар захирал Б.Бадамсүрэнгээс тодрууллаа. Энд дарж үзнэ үү.
Б.Баяраа: “Зулын гол болно” гээд эр хүн шиг гар, гараа барилцаад сууж байна
2012-2016 оны хугацаанд Чөлөөт бөхийн үндэсний шигшээ багийн ахлах дасгалжуулагчаар ажилласан Ц.Цогтбаяр, Б.Баяраа нар Рио-2016 олимпийн наадмын үеэр тамирчин Г.Мандахнарангийн хүрэл медалийн төлөөх барилдааны шүүлтийг эсэргүүцэж, дэвжээн дээр хувцсаа тайлсны улмаас Монголын чөлөөт бөхийн холбоо болон Дэлхийн бөхийн холбооноос гурван жилийн хугацаанд дасгалжуулагчаар ажиллах эрхээ хасуулсан билээ. Тэгвэл Монголын чөлөөт бөхийн холбооноос нөгөөдөр өргөтгөсөн их хурлаа Төрийн ордонд хийх гэж буй бөгөөд уг хуралдаа дасгалжуулагч Ц.Цогтбаяр, Б.Баяраа нарыг оролцуулахгүй гэж мэдэгджээ. Чөлөөт бөхийн холбооны энэхүү шийдвэрийг Ц.Цогтбаяр, Б.Баяраа нар эсэргүүцэж их хурал болох өдөр “Зулын гол” болно гэдгээ мэдэгдээд байна. Уг их хурлаас ирэх дөрвөн жилд холбоог удирдах ерөнхийлөгчийг сонгох аж. Ингээд уг асуудлаар дасгалжуулагч Б.Баяраатай холбогдож зарим зүйлийг тодрууллаа. Дэлгэрэнгүйг энд дарж үзнэ үү.
Хятадын хэвлэлд: Далай ламын Монголд хийх айлчлалын талаар онцоллоо
Дэлхийн буддын шашны тэргүүн, Дээрхийн гэгээн XIV Далай лам Монголд айлчлах тухай Хятадын хэвлэлд ийн мэдээлжээ. “South China Morning Post” сонины вэб сайт өчигдөр Монголын бурхан шашны төв Гандантэгчинлэн хийдийн мэдэгдлээс эш татаж уламжилсан байна. Хятадын сайтад “Далай ламын Монгол дахь айлчлал нь улстөрийн зорилго агуулаагүй. Сүсэгтнүүд, шашны судлаачид эрдэмтэдтэй уулзалт хийхээр төлөвлөсөн” гэжээ. Үүнээс биш ямарваа нэгэн улс төрийн сонирхол агуулаагүй хэмээн мэдэгдсэн байна. Энд дарж үзнэ үү.
МЧБХ-г 1 сая ам.долларыг юун зарцуулснаа тайлагнахыг шаардав
Монголын чөлөөт бөхийн холбоо өргөтгөсөн их хурлаа маргааш хийнэ. Уг хуралд дасгалжуулагч Ц.Цогтбаяр, Б.Баяраа нарыг оролцуулахгүй гэдгээ мэдэгдсэн бөгөөд үүнийг эсэргүйцэж дасгалжуулагчид, тамирчид, өмгөөлөгч Г.Батбаяр мэдээлэл хийсэн юм. Энэ үеэр дасгалжуулагч Ц.Цогтбаяр “Бид 2013-2016 онд Чөлөөт бөхийн эрэгтэй шигшээ баг маш бага хугацаанд том амжилт гарсан. Уг амжилтаа маргааш болох хуралд тайлагнах ёстой. Гэтэл хуралд зөвхөн Монгол Улсын Гавьяатууд орох эрхтэй байдаг. Тийм байтал намайг оруулахгүй гэж байгаа нь хачиртай санагдаж байна. Яагаад ийм шийдвэр гаргаж байгаа юм бэ. Миний дасгалжуулагч хийх эрхийг хассан болохоос Гавьяат цолыг хурааж аваагүй. Энэ хурал би орж байгаа нөхцөл байдлыг танилцуулж, удирдах зөвлөлд ямар ямар хүмүүс байгаатай танилцмаар байна. Би энэ хуралд ормоор байна” гэв. Энд дарж үзнэ үү.
Ж.Батзандан: Би шинэ АН-ыг удирдаж чадах улс төрч
ИХ-ын гишүүн Ж.Батзандан уржигдар хуралдсан Ардчилсан намын Үндэсний зөвлөлдөх хорооны хуралдаан болон намын даргын асуудлаар мэдээлэл хийлээ. Энд дарж үзнэ үү.
Дэлхий дахинд: Трамп ОХУ-д айлчилна
АНУ-ын ерөнхийлөгчөөр сонгогдсон Доналд Трамп тангараг өргөснийхөө дараа ОХУ-д айлчилахаар болжээ. Энэ сарын 14-ны өдөр Оросын төрийн тэргүүн В.Путинтай утсаар холбогджээ. Тухайн үед удирдагчид хоёр улсын харилцаа маш муу байгааг харилцан хүлээн зөвшөөрч, сайжруулахын тулд талууд хамтран ажиллана гэжээ. Д.Трамп ирэх оны нэгдүгээр 20-нд тангарагаа өргөж үүрэг ажилдаа орох юм. Тэрээр өөрийн багаа бүрдүүлсэнийхээ дараа ОХУ-д хөл тавихаа мэдэгджээ.
ГАДНЫ ХЭВЛЭЛД: Ардчилсан намын суудал ганхаж, Монгол улс ядуу буурай орны тоонд багтсан хэвээр байна
Манай улсын эдийн засгийн нөхцөл байдал дэлхийн нийтийн анхаарлын төвд байгаа. АНУ “Мооди” гэх судалгааны хүрээлэнгээс манай улсын эдийн засгийн нөхцөл байдал болон манай улсын иргэдийн төлөх өрийн талаар нийтлэл гаргасан байна. Тус нийтлэлийг бүрэн эхээр хүргэж байна.
Монгол улсын засгийн газар ард иргэдэдээ сайхан амьдрал бэлэглэж, сайн сайхан хүссэн ч сайн үр дүнд хүрсэнгүй.2011 онд Монголын эдийн засаг сайжирч, ДНБ 17 хувьд хүрч оргилдоо хүрсэн үзүүлэлт гарсан байна. Энд дарж үзнэ үү.
Чухал анхааруулга: Хойд чиглэлд зам хааж магадгүй
Монгол орны нийт нутгаар цас орж цасан шуурга шуурч байна. Сэлэнгийн чиглэлийн зам явган шуургатай, 60-н даваа, 52-н даваа болон бусад давааны замын гадаргуу мөстсөн, Тахилтын даваа цас шуурч, зорчих хэсэг нарийсч, зам хаагдах байдалтай байгаа аж. Мөн Дарханы чиглэлд цас шуурч үзэгдэх орчин хязгаарлагдсан байдалтай байгаа тул онц шаардлагагүй бол тухайн чиглэлд зорчихгүй байхыг Автотээврийн үндэсний төвөөс иргэдэд зөвлөлөө.
Цас орж, цасан шуурга шуурахыг онцгойлон анхааруулж байна
Цаг уурын байгууллагаас ирүүлсэн мэдээгээр өнөөдөр Архангай, аймгийн зүүн, Булган, Сүхбаатар аймгийн өмнөд, Дундговь, Өвөрхангай аймгийн хойд, Төв аймгийн нутгаар цас орж, цасан шуурга шуурахыг иргэд, малчид, тээвэрчид, аж ахуйн нэгж, байгууллагад анхааруулж байна. Тиймээс холбогдох газруудаас дараахь сэрэмжлүүлгийг гаргалаа.
Тээврийн хэрэгслийн жолооч та хол, ойрын замд гарахдаа техникийн бүрэн, бүтэн байдлыг хангаж, дулаан хувцас, шатахууны нөөцтэй явах, түүнчлэн автозам, даваанд автомашины хурдыг тохируулж хөдөлгөөнд оролцоно уу. Хүчтэй салхи шуурганы үеэр малчид малаа бэлчээрт гаргахгүй дулаан хашаа, хороо, саравчинд байлгаж, бага насны хүүхдийг хараа хяналттай байлгахыг онцгойлон анхааруулж байна.
Хэрэв та төв, орон нутагт зорчих зайлшгүй шаардлагатай байгаа бол Онцгой байдлын ерөнхий газрын шуурхай удирдлага, зарлан мэдээлэх төвийн 325726, 265726, 62263009 дугаарын утсанд холбогдож зөвлөгөө авна уу. Тухайн орон нутгийн замын нөхцөл байдлын талаар Зам тээврийн хөгжлийн төв ТӨҮГ-ын 70002413, 94722413, Хөдөлгөөний удирдлага хяналтын төвийн 70070012 дугаарын утсанд холбогдож тухайн нөхцөл байдлын бодит мэдээллийг хүлээн авч, замд гарахыг зөвлөж байна.
Орон нутгийн замын нөхцөл байдал:
• Улаанбаатар- Арвайхээр чиглэлийн зам хооронд цас орж байна.
• Ховд аймаг, Алтайн нуруу, Бага улаан даваа, Бодончийн хавцал, Алтай, Үенч, Булган - Улсын ил хүртэл их хэмжээний цас орсон, цасны зузаан 40-50см, ЗУДЫН байдалтай байна.
• Увс аймаг Ялаатын орчимд цас их орсон.
• Баянхонгор аймаг, Баянбулаг, Жаргалант сумдын нутгаар бага зэргийн цас орж байгаа. Шөнөдөө аймгийн төв орчмоор цас орох магадлалтай.
• Төв, Өмнөговь аймгийн чиглэлд ЦАС орж эхэлж байна.
• Хойд чиглэлд Баруунхараа, Бороогийн даваа гулгаатай.
• Завхан аймаг Ганцын болон Загастайн даваат орчим ГУЛГАА үүссэн байна.
.png?1738035310874)
.jpg?1737944869658)
